Rudel Pfau

Das Rudel Pfau ist die Mädchen-Gruppe in Hettlingen. Sie besteht aus Kindern von der ersten bis etwa in die 4./5. Klasse

Gruppenbild

Gruppenruf:
Ligi ligi lau
Gaste Gaste rau
Migi Migi Mau
Mir sind d'Gruppe Pfau!

 

Leiterinnen

Kepaia (Anna-Kathrin) [Bitte schalten Sie Javascript ein, um die E-mail-Adressen zu sehen.]

lang isches her, woni amol no gspanne gwartet han, bismer endlich de Aschlag für d Pfadiaktivität het chönne läse... siit 2015 weiss ich scho vorher was mer mached ;). (Leitervorteil:))

Jede Samschtignamittag 3h intensiv back2theroots läbe mit so viel fröhliche, motivierte Pfadislis macht richtig glücklich und isch näbem Studium und Teilziitjobs eifach s'Beschte vom Beschte.

Gueti Luune ghört scho siit eh und jeh i miiss Gepäck und dezue chunt, dass ich enorm gern Inline Skate, spontan verreise und ufm Klavier mich "entfalte" tuene -i was für Richtige au immr ;).
Für en Kafi hani immr Ziit und so isches au mit de Pfadi.

Miis Bescht!

Mirilli (Linda) [Bitte schalten Sie Javascript ein, um die E-mail-Adressen zu sehen.]

Ich bin 20gi und scho sit 13 Jahr ide Pfadi Dunant mit debi.
Bide Pfaue hani scho es ganzes Wiili gleitet gha, bin denn im Zwüschejahr nach Südafrika go Freiwilligerarbeit mache und jez wieder zrugg am leite und es macht mer natürli immer no mega Froid :-) Jede Samstig d Chind z gseh, zeme z lache, umetobe und drü Stunde chöne dusse verbringe macht mer immer e gueti Luune. Ussertdem isches en supper Usglich zum Studium woni im Summer 2018 agfange han.
I minere Freizit tueni nebed de Pfadi au no u gern Sache mit mine Kollege underneh, mache Sport, spill chli Gitarre, lis es guets Buech oder gan chli id Natur use. Uf es witers lässigs Pfadijahr freui mi jez scho!
Mis Bescht!

Nuvola (Charlotte) [Bitte schalten Sie Javascript ein, um die E-mail-Adressen zu sehen.]

Ich bin 17ni und sit de 2.Klass ide Pfadi. Leite tuen ich bi de Pfaue sit em Summer 2017.
I dem Summer han i au mini Lehr als Kauffrau i de Branche Handel aahgfange.
I minere Freiziit tuen ich viel lese und zeichne. Im Winter gangi amels au go snowboarde.
Ich freu mich uf vieli lustigi Samstignamitäg mit eu.

Mis Bescht
Nuvola

Merci (Nadine) [Bitte schalten Sie Javascript ein, um die E-mail-Adressen zu sehen.]

Ich bin 18ii und gange sit 2008 id Pfadi und leite jetzt sitem summer 2018 bidm Rudel Pfau.
Ich gahn id HMS Ide Kantonsschuel Büelrain und bin neb de Pfadi no sehr gern im Stall und Riite vill. Im Winter bin i gern uf mim Snowboard underwegs.
Neb mine sportlichere Aktivitäte bin ich au musikalisch underwegs und spiele Klavier und Giege.

Freu mi uf ganz tolli Samstignamittäg!
Mis best
Merci

Nelumba (Sarina) [Bitte schalten Sie Javascript ein, um die E-mail-Adressen zu sehen.]

Ich bin 16i und sit ca. 2008 ide Pfadi. Sit em Herbst 2018 bini bide Pfaue am Leite. Es gfallt mir uhmega ;)
Momentan bini no ide Lehr. Ich mach FaGe im Pflegheim.
I minere Freiziit, nebedä Pfadi, tuen ich gern riite und bin ide Jugendführwehr debii. Im Winter winter tuen au no gern lese.

Ich freu mich uf vieli Abentüür und lässigi Samstignamitäg mit eu. ;)

Falador (Siro) [Bitte schalten Sie Javascript ein, um die E-mail-Adressen zu sehen.]

Fotos