Gruppe Rudolf Brun

Die Gruppe Rudolf Brun ist die gemischte Gruppe in Winterthur. Sie besteht aus Kindern von der ersten bis etwa in der 5. Klasse.

Zusammen erleben wir jeden Samstag Nachmittag spannende  Stunden! Wir sind nahezu immer im Wald und leben ganz nach den Motto: "Pfadi pur in Winterthur!"

Gruppenruf:

Ra Ra Wei Wei
Raka wei Raka wei
Raka sono tun
Da isch d'Gruppe Rudolf Brun!

Leiterinnen

Känga (Anna) [Bitte schalten Sie Javascript ein, um die E-mail-Adressen zu sehen.]

Min Name isch Anna Crastan, bekannt unter em Pfadiname Känga. Nachdem ich vier Jahr d Stufeleitig vo de Pfadis vonre Bündnerabteilig gha han, bin ich ufgrund vom Studium uf Winti gwechsled.

Ich bin im Jahr 1997 gebore und sit de 1.Klass i de Pfadi. Nebst de Pfadi tuen ich i minre Freizit gern riite und unternimm Sache mit mine Fründe.

Nachdem ich min Bachelor in Pfleg ade ZHAW Gsundheit abgschlosse han, schaff ich im Kinderspital Züri.

Ich freu mich uf e gueti Zit als Meuteleiterin vom DAVINCI und uf ganz viel neui Abentüür :)

(Samuel) [Bitte schalten Sie Javascript ein, um die E-mail-Adressen zu sehen.]

Hallo, min Name isch Samuel und bi 17 Jahr alt. Ich gang ad Kanti Büelrain. Nebst der Pfadi spiel ich usserdem na Handball. 2013 bin ich zu de Gruppe Sperber id Pfadi cho und leite sit zwei Jahr bi de Gruppe Rudolf Brun.

Ally (Iara) [Bitte schalten Sie Javascript ein, um die E-mail-Adressen zu sehen.]

Min name isch Iara Bächler, ih de Pfadi heiss ich Ally. Ich bin am 11.05.2002 uf d'Welt cho und sitt 2007 ih de Pfadi. Vorher bin ich bide Abteilig NeWa gsi. Dete hani mini Teilnehmerziit verbracht und no einehalb Jahr bide Pfadistufe gleitet. Denn hani mal öppis neus welle usprobiere und bin zu Dunant cho... Wenn ich mal nöd ih de Pfadi bin, gseht mer mich ih de Kantonsschuel Büelrain. Ih minere freiziit mach ich no Pole Dance.
Ich freu mich bide Rudolf Brun witeri cooli Jahr chöne zleite.

Wave (Lukas) [Bitte schalten Sie Javascript ein, um die E-mail-Adressen zu sehen.]

Min Name isch Lukas Rahm und i de Pfadi heiss ich Wave. Ich bin i de 3. Sek im Heiligberg Schuälhus und mach dena e Lehr als Hochbauzeichner. I de Freizit gangi gern go Bike.

Pfiff (Noé) [Bitte schalten Sie Javascript ein, um die E-mail-Adressen zu sehen.]

Min Name isch Noé und i de Pfadi heiss ich Pfiff.
Ich gang jetzt au scho sit ca 8 Jahr id Pfadi und ha au bi Rudolf Brun agfange.
Ich gang id Freischi und ab nöchstem Jahr mach ich e Lehr als Velonechaniker.

Fotos